Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte qyz uzatýǵa jınalǵan 100-ge jýyq qonaq úıine qaıtaryldy

2020 jyldyń 26 qarasha 2020 10:47

ShYMKENT. QazAqparat - Shymkent qalasy Táýke han dańǵyly boıynda ornalasqan «777 (7 bochek)» meıramhanasynda qyz uzatý toıy uıymdastyrylǵan, dep habarlaıdy QazAqparat qalalyq polıtsııa departamentine silteme jasap.

Saltanatty sharaǵa shaqyrylmaı kirip barǵan tártip saqshylary jıynda 100-ge jýyq adamnyń bolǵanyn anyqtaǵan.

Polıtseıler atalǵan jaıtqa qatysty karantın talaptaryn buzǵan azamattarǵa QR ÁQBtK 425-baby boıynsha hattama toltyrdy.

Jınaqtalǵan is-qujattar sanıtarııalyq-epedemıologııalyq baqylaý basqarmasyna joldandy.

Shymkenttik polıtseıler turǵyndardy karantın kezinde zań talabyna sáıkes áreket etip, adamnyń kóp shoǵyrlanýyna jol bermeýge shaqyrady.

Aıta keteıik, karantın rejımi engizilgeli beri Shymkent qalasy polıtsııa departamentiniń qyzmetkerleri jáne arnaıy qurylǵan mobıldi top jalpy 910 quqyqbuzýshylyqty anyqtaǵan.


Basty sózder: Karantın, Qaýipsizdik, Shymkent, Oqıǵa, Zań,
Joǵary qaraı