Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte ınternet-alaıaqtyqpen aınalysqan kıberqylmystyq top ustaldy

2022 jyldyń 19 mamyr 2022 12:03

ShYMKENT. QazAqparat – Qazirgi tańda polıtseıler bes adamnan turatyn qylmystyq topqa aldanǵandar eldiń ár óńirinde bar ekenin málimdedi. Olardyń tarapynan keltirilgen shyǵyn kólemi anyqtalyp jatyr, dep habarlaıdy QazAqparat tilshisi.

Qylmystyq toptyń ár múshesiniń ózindik «mindetteri» bolǵan. Biri – alaıaqtyqtyń uıymdastyrýshysy, basqalary bank nemese kez kelgen qarjy uıymy operatorlarynyń rólin atqarǵan, al úshinshi múshesi bankomattardan túsken aqshany sheship otyrǵan.

Jábirlenýshilerdiń aıtýynsha, alaıaqtar ózderin banktiń qaýipsizdik qyzmetiniń qyzmetkeri retinde senimdi túrde tanystyryp otyrǵan.

Máselen, jergilikti turǵynǵa «bank qyzmetkeri» qońyraý shalyp, azamattyń atynan nesıe rásimdegeli jatqanyn habarlaǵan. Sodan bul áreketti boldyrmaý úshin qońyraý shalýshy turǵynnan qajetti aqparattar: bank kartasynyń málimetterin, SMS-kodyn jáne taǵy basqa derekterdi bilip alǵan. Keıin qala turǵyny onyń atynan eki mln teńgege nesıe rásimdelgenin bilgen.

Al, keıbir jábirlenýshilerge qaskúnemder kartochkasynan bireýler úlken somada aqsha aýdarmaqshy ekendigin aıtyp, óz qarajatyn saqtap qalý úshin atalǵan shot nómirine bar aqshany aýdarý kerektigin jetkizgen. Banktiń jalǵan qyzmetkerleriniń nusqaýlaryn Ál-Farabı aýdanynyń turǵyny da oryndaǵan, sodan ol shamamen tórt mln teńge kóleminde qarjysynan aıyrylǵan.

Jedel is-sharalar nátıjesinde, tártip saqshylary bankomattardan qolma-qol aqshany alý mindeti júktelgen kúdiktilerdiń biriniń izine túsken. Ol arqyly jedel ýákilder taǵy ekeýin ustaǵan. Qalǵan ekeýi Reseı Federatsııasy aýmaǵynda ustalyp, Qazaqstanǵa ekstradıtsııalaý jumystary júrgizilýde. Tekserý barysynda kúdiktilerden 46 bank kartochkasy, alty uıaly telefon jáne 20 SIM-karta anyqtalyp, tárkilengen.

Aıta keteıik, bıyl Shymkent qalasynyń Polıtsııa departamentinde arnaıy jedel-tergeý toby quryldy, onyń quramyna tájirıbeli jedel ýákilder men tergeýshiler kiredi. Búgingi tańda top 94 ınternet-qylmysty ashty.



Avtor Qaırat Zaınıshev
Basty sózder:
Joǵary qaraı