Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte fýtbol matchy kezinde stadıonnyń shatyry ushyp, alańǵa tústi

2022 jyldyń 21 mamyr 2022 21:57

NUR-CULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on ekinshi týrynda aýa raıynyń qolaısyzdyǵyna baılanysty eki oıyn keıinge shegerildi, dep habarlaıdy QazAqparat tilshisi.

Túrkistanda kezdesý bastalýyna sanaýly mınýttar qalǵanda «Turan» men «Aqtóbe» arasyndaǵy kezdesý aýa raıynyń qolaısyzdyǵyna baılanysty keıin ótkiziletin boldy. Sol ýaqytta atalǵan qalada shańdy daýyl soǵyp, oıyn ótkizýge múmkindik bolmaǵan.

Osyndaı jaǵdaıǵa baılanysty Shymkenttegi «Ordabasy» men Pavlodar oblysynyń «Aqsý» klýbtarynyń kezdesýi oıyn ortasynan toqtatyldy. Qatty jel men shańdy daýyl saldarynan stadıonnyń shatyry ushyp ketip, alańǵa tústi. Bul ýaqytta shymkenttik klýb qarsylasynan 1:0 esebimen basym túsip jatqan bolatyn.

Qazaqstan fýtbol federatsııasy atalǵan oıyndardyń qashan ótkiziletini týraly aldaǵy ýaqytta sheshimin aıtatyn bolady.

Sondaı-aq, ótken týrdaǵy jeńisinen keıin elordalyq «Astana» týrnır kestesinde kósh basyna shyqqan edi. Bul joly syrt alańda «Atyraýmen» 1:1 esebine qanaǵat bildirdi.

Al almatylyq «Qaırat» óz alańynda Qaraǵandynyń «Shahterin» 2:0 esebimen tize búktirdi. Osylaısha on birinshi týrdaǵy sátsizdiginen keıin nátıje shyǵaryp, jankúıerler aldynda senimdi oıyn kórsetti.

Erteń, 22 mamyrda «Qyzyljar» (Petropavl) men «Aqjaıyq» (Oral), «Tobyl» (Qostanaı) men «Maqtaral» (Túrkistan oblysy), «Kaspıı» (Aqtaý) men «Taraz» komandalary kezdesedi.

Eske salsaq, budan buryn fýtboldan Qazaqstan kýbogynyń jerebesi tartyldy.




Avtor Ádiljan Úmbet
Basty sózder: Sport,
Joǵary qaraı