Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte eki qylmystyq top memleketke 3 mlrd teńge shyǵyn keltirgen

2021 jyldyń 25 qarasha 2021 12:02

ShYMKENT. QazAqparat - Shymkentte memleketke 3 mlrd teńge shyǵyn keltirgen eki qylmystyq toptyń qyzmeti toqtatyldy. Bul týraly QR Qarjylyq monıtorıng agenttiginen málim etti, dep habarlaıdy QazAqparat.

Qarjylyq monıtorıng agenttiginiń Shymkent qalasy boıynsha aýmaqtyq departamenti jalǵan shot-faktýralardy jazyp berýmen aınalysatyn eki qylmystyq topqa qatysty sotqa deıingi tergep-tekserýdi aıaqtaǵan.

«8 adamnan turatyn qylmystyq toptardyń biri 2018-2020 jyldar aralyǵynda kontragent kásiporyndarǵa materıaldyq syıaqy úshin jalǵan býhgalterlik qujattar jazyp berýmen aınalysqan. Qylmystyq shemanyń negizgi uıymdastyrýshysynyń úıinde qujattary men mórleri tabylǵan 16 sharýashylyq júrgizýshi sýbektige osy UQT-nyń qatysy bar ekendigi anyqtaldy.

Ekinshi qylmystyq top bir kúndik 21 kompanııanyń atynan taýarlar men qyzmetterdi jetkizýge uqsas jalǵan mámileler jasasqan. Bul rette, sharttar boıynsha jumys kólemi is júzinde oryndalmaǵan.

Saldarynan memleketke 3,1 mlrd teńge somasyna salyq tólengen joq», - delingen agenttik málimetinde.

Qazirgi ýaqytta qylmystyq ister sotta qaralýda.


Joǵary qaraı