Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte eki adam kólik júrgizýshisin pyshaqtap, denesin órtep jibergen

2020 jyldyń 24 qazan 2020 12:22

ShYMKENT. QazAqparat – Shymkentte jolaýshylar kólik ıesin pyshaqtap, denesin órtep jibergen, dep habarlaıdy QazAqparat tilshisi.

18 qazan kúni shamamen saǵat 11.00-de Shymkent qalalyq Polıtsııa departamenti Abaı aýdandyq polıtsııa bóliminiń kezekshisine Túrkistan kóshesiniń boıynda «Deý Neksııa» markaly aq tústi kólik ıesiz turǵany jáne onyń memlekettik tirkeý nómiri joqtyǵy týraly habarlanǵan.

«Jedel tergeý toby oqıǵa ornyn tekserý barysynda avtokóliktiń ishinen 2 dana oıynshyq tapansha, bir metr temir armatýra, 2 dana avtokóliktiń memlekettik tirkeý nómirin jáne er adamnyń qan daqtary bar kók tústi djınsy shalbaryn tapty.
Sol kúni atalǵan derek boıynsha QR QK-niń 200-baby 1-bóligimen jáne 99-baby 2-bóliginiń 7-tarmaǵymen sotqa deıingi tergep-tekserý bastaldy», - dep málim etti Shymkent qalalyq Polıtsııa departamentinen.

Jedel is sharalaryn júrgizý barysynda anyqtalǵandaı, eki er adam atalǵan kólikke jolaýshy bolyp otyrǵan. Olar kólik ıesin pyshaqtap, Aqtas eldi mekeninde ornalasqan qoqys alańyna aparyp tastaǵan. Keıin qylmys izin jasyrý maqsatynda máıitti órtep jibergen.

«Kúdiktiler anyqtalyp, ustaldy, olar 1994 jáne 1998 jyly týǵan Túrkistan oblysynyń turǵyndary», - dedi polıtsııadan.




Joǵary qaraı