Aýa raıy
Astana 10 °S
Almaty 15 °S
valıýta baǵamy
USD 412.55
EUR 468.66
RUB 5.79
CNY 58.80

Shymkentte dárigerler ókpesiniń 90 paıyzy qabynǵan 82 jastaǵy ájeıdi aman qalyp qaldy

2020 jyldyń 7 shilde 2020 02:10

ShYMKENT. QazAqparat – Shymkenttik dárigerler ókpesiniń 90 paıyzy qabynǵan ájeıdi aman qalyp qaldy. Qalalyq №1 klınıkalyq aýrýhanaǵa aýyr halde jetkizilgen zeınetker Galına Hrýevaǵa dárigerler pnevmonııa dıagnozyn qoıǵan bolatyn, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, ókpesindegi derti asqynǵan ájeıdi aýrýhanaǵa 26 maýsym kúni jedel járdem jetkizgen. Naýqasty teksergen mamandar onyń ókpesiniń basym bóligi zaqymdanǵanyn jáne qan ketkenin anyqtaǵan.

Jaǵdaıynyń aýyrlaýyna baılanysty ájeı tórt kúnnen keıin jansaqtaý bólimine aýystyrylyp, COVID-19 emdeý hattamasyna sáıkes medıtsınalyq kómek kórsetilgen.

«Dárigerler 82 jastaǵy qarııanyń qazirgi jaǵdaıy jaqsy dep baǵalaǵan. Der kezinde kórsetilgen em-domnyń arqasynda qart kisiniń densaýlyǵy jaqsaryp, 6 shilde kúni ol aýrýhanadan shyǵarylǵan. Egde jastaǵy naýqas ózin ajaldan arashalap qalǵan medıtsına mamandaryna rızashylyǵyn bildirdi» delingen habarlamada.

Aıta keteıik, qala boıynsha COVID-19 ınfektsııasyn juqtyrǵandar sany búginde 3 555-ke jetken. Al, jazylyp shyqqandar sany - 717 adam.


Avtor Aınur Aqbaeva
Basty sózder: Shymkent, Medıtsına, Oqıǵa,
Joǵary qaraı