Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte bir úıdiń úsh balasy kólik ishinde tunshyǵyp qaldy

2022 jyldyń 21 mamyr 2022 20:06

ShYMKENT. QazAqparat - Qarataý aýdanynda bir úıdiń úsh balasy kóliktiń júk salatyn bóligine kirip, shyǵa almaı qalǵan. Ekeýi oqıǵa ornynda kóz jumdy. Úshinshisi aýrýhanaǵa jetkizilgenimen, aman alyp qalý múmkin bolmady, dep habarlaıdy QazAqparat tilshisi.

«19 mamyrda Qarataý aýdandyq polıtsııa basqarmasynyń 102 pýltine úsh kishkentaı balanyń avtokóliktiń júk salǵyshynda tunshyqqany týraly habarlama kelip tústi. Oqıǵa ornyna birden polıtsııa qyzmetkerleri shyqty. Anyqtalǵanyndaı, ata-anasy úıde bolmaǵan. Balalar júk salǵyshqa kirip, qaqpaǵyn jaýyp alady. Sodan keıin qaıta shyǵa almaı tunshyǵyp qalypty. Ekeýi oqıǵa ornynda qaıtys boldy, al úshinshi bala búgin reanımatsııada kóz jumdy», - dep habarlady Shymkent qalasy polıtsııa departamentiniń baspasóz qyzmeti.

Kórshileriniń aıtýynsha, kólik eskirip, aýlada turǵan. Aǵaıyndy úsheýdiń ekeýi - ul, bireýi - qyz. Eki bala mektep jasynda bolǵan.

PD baspasóz qyzmeti atalǵan jaıt boıynsha sotqa deıingi tergeý amaldary bastalǵanyn málim etti. Oqıǵanyń barlyq mán-jaılary anyqtalady.

Eske salsaq, Qyzylordada abaısyzda aryqqa qulap ketken sábı kóz jumdy. Al, Atyraýda káriz qudyǵyna qulaǵan 11 jasar bala aýrýhanaǵa jetkizildi.


Avtor Aınur Aqbaeva
Basty sózder: Polıtsııa, Bala, Oqıǵa, Shymkent,
Joǵary qaraı