Aýa raıy
Astana 12 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte Azııadaǵy eń iri atý sport kesheni salynyp jatyr

2020 jyldyń 6 tamyz 2020 13:22

ShYMKENT. QazAqparat – Shymkent qalasynda «SHOOTING PLAZA» atý sport kesheniniń qurylysy boıynsha aýqymdy joba júzege asyrylýda. Bul jóninde qalalyq dene shynyqtyrý jáne sport basqarmasy málimet taratty, dep habarlaıdy QazAqparat tilshisi.

Basqarmanyń habarlaýynsha, atalǵan keshenniń qurylysy aıaqtalǵannan keıin Shymkentte atý sporty túrlerinen halyqaralyq deńgeıdegi sporttyq jarystar ótkizýge bolady.

«SHOOTING PLAZA» kesheni burynǵy Komsomol kóli aýdanyndaǵy «Batys Eýropa – Batys Qytaı» halyqaralyq avtojolyna jaqyn jerde atý alańy aýmaǵynda ornalasqan. Jalpy aýdany 14 gektardy quraıdy. Nysan osy jyldyń qazan aıynda paıdalanýǵa beriledi dep josparlanǵan. «SHOOTING PLAZA» - jobasy tolyqqandy jattyǵý kezeńin uıymdastyrý jáne atý sporty túrleri boıynsha Álem chempıonattary sekildi iri sporttyq is-sharalardy ótkizý úshin barlyq qajetti ınfraqurylymmen qamtamasyz etiledi. Sport kesheni Azııa aımaǵyndaǵy eń iri atý kesheni bolady dep josparlanǵan. Jobanyń qurylysy atý sportyn odan ári damytýǵa yqpal etedi.





«SHOOTING PLAZA» qurylysy - Halyqaralyq sporttyq atý Federatsııasy men Azııa atý konfederatsııasynyń uzaq merzimdi yntymaqtastyǵynyń nátıjesi sanalady. Aıta keteıik, atý sportynyń júırikteri Tokıodaǵy XXXIІ jazǵy Olımpıada oıyndaryna alǵashqy eki lıtsenzııany jeńip alǵan bolatyn. Búgingi tańda atý sport túrinen Qazaqstan ulttyq qurama komandasynyń negizgi quramynyń 60% - yn shymkenttikter quraıdy.





Avtor Aınur Aqbaeva
Basty sózder: Shymkent, Qurylys, Sport,
Joǵary qaraı