Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte avtokórme uıymdastyrylyp, oǵan 100-den astam adam jınalǵan

2021 jyldyń 18 qańtar 2021 17:14

ShYMKENT. QazAqparat - Shymkentte avtokórme uıymdastyrǵan turǵyn jaýpkershilikke tartyldy, dep habarlaıdy QazAqparat.

Shymkent polıtsııa departamentiniń qyzmetkerleri karantın talaptarynyń saqtalý barysyna turaqty túrde monıtorıng júrgizýde.

Kezekti is-shara barysynda, ıaǵnı 17 qańtar kúni saǵat 17:30 shamasynda Táýke han dańǵyly boıynda ornalasqan «Avtorazbor» avtobólshek satý ornynda avtokórme uıymdastyrǵandar anyqtaldy.




Oǵan júzden astam adam jınalǵan.

Karantın sharalarynyń engizilgenine qaramastan Shymkent qalasy bas sanıtar dárigeri qaýlysynyń talaptaryn elemegen kórme uıymdastyrýshysy jaýapkershilikke tartyldy.

Kólikke qyzyǵýshylar men kórermenderdiń basym bóligi maska rejımin saqtamaǵan.

Tártip saqshylary jedel áreket ete otyryp, jınaǵandardy taratty.

Karantındi buzýdyń barlyq jaıttary boıynsha jınaqtalǵan is-qujattar sanıtarlyq-epıdemıologııalyq baqylaý basqarmasyna joldandy.




Basty sózder: Karantın, Qaýipsizdik, Shymkent, Kólik,
Joǵary qaraı