Aýa raıy
Astana -25 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte áskerı bólimnen qarý-jaraq urlap, satqan sarbaz 10 jylǵa sottaldy

2020 jyldyń 5 qazan 2020 13:04

ShYMKENT. QazAqparat – Shymkentte áskerı bólimnen qarý-jaraq urlap satqan sarbazǵa qatysty úkim shyqty. Sot basty aıyptalýshyny 10 jylǵa bas bostandyǵynan aıyrdy, dep habarlaıdy QazAqparat tilshisi.

Budan bólek sot úkimi onymen sybaılas boldy degen ózge de aıyptalýshylarǵa shyqty. Olardyń ekeýi, ıaǵnı qarý urlaýǵa kómektesken sottalýshynyń aýyldastary endi aldaǵy 8 jylyn temir torda ótkizedi. Taǵy biri 5 jylǵa, úsheýi úsh jylǵa sottaldy.

Aıypty dep tanylǵan segizinshi azamat sot zalynan bosatyldy. Qylmysqa sybaılas bolǵan ekinshi kýrs stýdenti Bekjan Sanjar memleketke 500 AEK ıaǵnı, 1 mln teńge aıyppul tóleıtin boldy. Biraq, qylmystyq istiń bas tulǵasy dep tanylǵan Abylaı Balǵynbaı atalǵan jazamen kelispeıdi.

Eske sala keteıik, ol buǵan deıin urlyqqa komandıriniń buıryǵymen barǵanyn aıtqan edi. Al, sot úkimi 10 kúnnen keıin kúshine enedi. Sarbazdy ustaý operatsııasyn ІІM men UQK arnaıy jedel toby birigip júrgizgen. Áleýmettik jelilerde Abylaı Balǵynbaı esimdi sarbazdyń Ordabasy aýdany Badam stantsııasy mańyndaǵy áskerı bólimnen 30 AK-74 avtomatyn, 27 PM tapanshasyn, 400 dana 5,45 oǵyn alyp qashqany týraly aqparat taraǵan.





Avtor Aınur Aqbaeva
Basty sózder: Sot, Ásker,
Joǵary qaraı