Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte «Arnoldo kıarı» sındromyna shaldyqqan naýqasqa alǵash ret ota jasaldy

2022 jyldyń 24 mamyr 2022 13:20

ShYMKENT. QazAqparat - Shymkent qalalyq klınıkalyq balalar aýrýhasynda alǵash ret «Arnoldo Kıarı» sındromyna shaldyqqan naýqasqa ota jasaldy, dep habarlaıdy QazAqparat tilshisi.

Mamandar naýqasqa dıagnostıkalyq tekserý júrgizip, dertin der kezinde naqtylaı bilgen. Jasóspiriminiń ómirin aman alyp qalý úshin qalalyq klınıkalyq balalar aýrýhanasynyń dárigerleri kúrdeli ota jasaýǵa sheshim qabyldaıdy. Josparly operatsııa segiz saǵatqa sozylyp, hırýrgtar naýqastyń mıyndaǵy aýytqýdy hırýrgııalyq jolmen emdedi. Nátıjesinde jetkinshektiń aqyl-esiniń jumys isteý qabiletin jaqsartyp berdi.




«Arnoldo Kıarı» sındromnyń asqynýy naýqasty shızofrenııaǵa, tipten múgedikttikke ákelýi múmkin. Derttiń jalǵyz emi ýaqtyly jasalǵan operatsııa ǵana ekeni búginge deıin ǵylymı túrde dáleldengen. Operatsııa barysynda naýqastyń basynyń shúıde aımaǵynyń súıegi dóńgeletip kesip alyndy. Birinshi moıyn omyrtqasyn aldyq. Mıdyń óziniń qatty qabaty bar. Bizdiń maqsatymyz - mıshyqty bos jatqyzý. Mıshyqty bosatý arqyly sındromdy emdeımiz», -deıdi Shymkent qalalyq klınıkalyq balalar aýrýhanasynyń dáriger-neırohırýrgy Samat Kókshibaev.




Kúrdeli otadan keıin naýqastyń jaǵdaıy jaqsy. Dárigerler búgin jasóspirimdi jansaqtaý bóliminen palataǵa aýystyrdy.

Aıta keteıik, Shymkentte mundaı ota túri alǵash ret jasalyp otyr. Buǵan deıin naýqastar Nur-Sultan qalasyndaǵy emdeý ortalyǵyna jiberiletin. Endi balalardyń mundaı kúrdeli operatsııasyn Shymkent qalalyq klınıkalyq balalar aýrýhanasynyń dárigerleri jasaıdy.





Joǵary qaraı