Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte 65 jastan asqan adamdardyń dalaǵa shyǵýyna shekteý qoıylady: Jańa qaýly

2022 jyldyń 21 qańtar 2022 22:56

ShYMKENT. QazAqparat – Shymkent qalasynyń aýmaǵynda koronavırýs ınfektsııasyna baılanysty shekteý sharalary men karantın merzimin uzartýǵa qatysty Bas sanıtarııalyq dárigerdiń jańa qaýlysy shyqty, dep habarlaıdy QazAqparat tilshisi.

Qaýlyǵa sáıkes:

- Ashyq jobasyna qatysatyn nysandarda (30 adamǵa deıingi as berýdi qospaǵanda), ashyq aýada, jabyq úı jaılarda, onyń ishinde úıde de otbasylyq, eske alý is-sharalaryn, kópshilik is-sharalardy ótkizýge jáne oǵan qatysýǵa tyıym salynady;

- 65 jastan asqan adamdardyń qalada júrýine shekteý qoıyldy;

- qoǵamdyq oryndarda jáne qyzmetine ruqsat etilgen obektilerge barǵan kezde, sondaı-aq ashyq aýada ornalasqan qoǵamdyq oryndarda bolǵanda betperde kııý, áleýmettik qashyqtyqty saqtaý jáne antıseptıkterdi paıdalaný jónindegi talaptar qatań saqtalýy qajet;

- aıaldamaldarda jáne qoǵamdyq kólikterde adamdardyń shoǵyrlanýyn boldyrmaý maqsatynda qarbalas sátte avtobýstardyń sany kóbeıtilip, qalǵan ýaqytta qozǵalystyń birkelki kestesi uıymtastyrylady;

- adamdar kóp jınalatyn jerlerdi, sonyń ishinde qoǵamdyq kólikti, avtobýs aıaldamalaryn, aýlalardaǵy balalar alańdaryn, basqa qoǵamdyq oryndardy, qala aýmaǵyn dezınfektsııalaý quraldaryn qoldana otyryp, karantın aıaqtalǵanǵa deıin zalalsyzdandyrý kún saıyn júrgiziledi.

Bilim berý mekemelerine qatysty:

- jalpy bilim berý mektepterinde 1-4 bastaýysh synyptar, halyqaralyq mektepterdegi 1-6 synyptar shtattyq formatta oqytylady;

- oqýshylar sany 600-ge deıingi mektepter shtattyq formatta oqıdy;

- oqýshylar sany 600-den joǵary mektepter jobalyq qýatynyń 50 paıyzynan aspaıtyn júktememen shtattyq formatta oqıdy;

- JOO men kolledjder – aralas formatta jumys isteıdi.

- mektepten tys uıymdar shtattyq formatta isteıdi.

Bilim berý uıymdarynyń ákimshisiniń qalaýy boıynsha vaktsınatsııanyń tolyq kýrsyn alǵan mektep oqýshylaryn shtattyq formatta oqytýǵa jol beriledi.

Budan bólek, saltanatty as berý, otbasylyq is-sharalardy ótkizý, konferentsııalar, forýmdar, adamdar kóp jınalatyn oıyn saýyq jáne ózge de is-sharalar, kórmeler men marafondar, kórermender qatysatyn sporttyq is-sharalar ótkizýge bolmaıdy.

Teatr men kontsert zaly, fılarmonııa men túngi klýbtardyń jumys isteýine ruqsat joq.

Qaýly qol qoıylǵan kúnnen bastap kúshine enedi.


Avtor Qaırat Zaınıshev
Basty sózder: Shymkent,
Joǵary qaraı