Aýa raıy
Astana -2 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte 100 jastaǵy ájeı pnevmonııadan jazylyp shyqty

2020 jyldyń 17 qyrkúıek 2020 12:15

ShYMKENT. QazAqparat - Shymkentte 100 jastaǵy ájeı pnevmonııadan jazylyp shyqty. Eki ǵasyrdyń kýási bolǵan qart kisini medıtsına mamandary 100 jasqa tolǵan kúninde aýrýhanadan shyǵaryp saldy, dep habarlaıdy QazAqparat tilshisi.

Qyztaı Dúısebekova osylaısha júzge tolǵan týǵan kúnin juqpaly aýrýlar aýrýhanasynda dárigerlermen birge qarsy aldy.

Qarııa 7 qyrkúıek kúni Asar shaǵynaýdanyndaǵy aýrýhanaǵa aýyr halde jedel járdem kóligimen jetkizilgen bolatyn. Dárigerler naýqasqa ókpeniń kompıýterlik tomografııasyn jasap, ókpe tininiń 55% zaqymdalǵanyn anyqtaǵan.

Buǵan qosa qart kisiniń asqazanyndaǵy jarasy asqynǵan. Mamandar ájeıdi bólimshege jatqyzyp, vırýsqa qarsy terapııalyq em júrgizgen. Nátıjesinde qart ana tolyǵymen aıyǵyp, úıine qaıtaryldy. Zeınetker dárigerlerge alǵysyn bildirip, aq batasyn berdi.





«Túsken kezde jaǵdaıy aýyr bolatyn. Oǵan hattamaǵa sáıkes júrgizdik. Qazir jaǵdaıy bir qalypty», - deıdi emdeýshi dáriger Lázzat Tilenshına.


Avtor Aınur Aqbaeva
Basty sózder: Qoǵam, Shymkent, Medıtsına,
Joǵary qaraı