Aýa raıy
Astana -12 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Shymkent túrmesine uıaly telefondy taýyq etiniń ishine salyp kirgizbek bolǵan

2020 jyldyń 23 qarasha 2020 09:53

ShYMKENT. QazAqparat - Shymkenttegi túrmede sottalýshyǵa uıaly telefondy taýyq etiniń ishine salyp kirgizbek bolǵan, dep habarlaıdy QazAqparat tilshisi.

Shymkent qalasy boıynsha QAJ departamentine qarasty ICh-167/4 áıelder túrmesinde 21 qarashada kelip túsken sálemdemelerdi tekserý kezinde zańbuzýgshylyq anyqtaldy.

Áldebireý tyıym salynǵan Samsung markaly qara tústi uıaly qurylǵy men sım-kartany pisken taýyqtyn (grıl) ishine jasyryp, kirgizbek bolǵan.

«Bul zattardy Shymkent qalasynyń turǵyny A. qamaýda otyrǵan áıelge ákelgen. Ol óziniń túsiniktemesinde kinásin tolyq moıyndady»,- deıdi Shymkent qalasy boıynsha Qylmystyq atqarý júıesi departamenti baspasóz qyzmetiniń ókili Jazıra Áýeshan.

Vedomstvo ókiliniń málimetinshe, qazir oǵan Qazaqstan Respýblıkasynyń Ákimshilik quqyq buzý kodeksiniń tıisti babymen hattama toltyrylǵan.








Avtor Samal Qabysheva
Basty sózder: Zań, Oqıǵa, Shymkent,
Joǵary qaraı