Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkent turǵyny súıgen qyzynyń kartasyndaǵy 2,5 mln teńgeni ózine aýdaryp alǵan

2021 jyldyń 10 qazan 2021 23:44

ShYMKENT. QazAqparat - Shymkent polıtseıleri urlyq jasaǵan azamattyń qylmysyn áshkereledi, dep habarlaıdy QazAqparat.

Naqtyraq aıtqanda, Eńbekshi aýdany polıtsııa basqarmasyna jergilikti turǵyn aryzdanǵan.

Ol óz aryzynda, súıgen jigiti onyń ruqsatynsyz uıaly telefonyndaǵy «Kaspı» qosymshasy arqyly aqshasyn alyp, 2 500 000 teńge materıaldyq shyǵyn keltirgenin jazyp kórsetken.

Atalǵan jaıtty polıtseıler QR QK 188-babymen (urlyq) sotqa deıingi tergep-tekserý boıynsha tirkeýge alǵan.

Eńbekshi aýdany polıtsııa basqarmasynyń jergilikti polıtsııa qyzmeti bóliminiń qyzmetkerlerimen jedel-izdestirý is-sharalaryn júrgizý barysynda Shymkent qalasynyń 31 jastaǵy turǵyny anyqtalyp, tıisti basqarmaǵa jetkizildi.

Sondaı-aq, tártip saqshylary urlanǵan aqshany azamat óz qajetine jaratyp jibergenin anyqtaǵan.

Qazirgi ýaqytta azamatqa qatysty sotqa deıingi tergeý amaldary júrgizilýde.

Osy oraıda shymkenttik polıtseıler jergilikti turǵyndarǵa « bank esepshotyndaǵy ózińizge qatysty jeke qupııa sandardy eshkimge bermeńizder, beıtanys tulǵalarǵa senbeńizder» dep eskertedi.

Bank kartasynan bólek, jeke kýálik, jalpy qujattarǵa asa saq bolýǵa shaqyrady.


Avtor Janat Qapalbaeva
Basty sózder: Shymkent, Zań, Oqıǵa, Alaıaqtyq,
Joǵary qaraı