Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkent mektepterinde Táýelsizdik jetistikteri saralandy

2021 jyldyń 8 qyrkúıek 2021 18:15

ShYMKENT. QazAqparat - Qyrkúıek aıynda Shymshahardaǵy barlyq mektepte el Táýelsizdiginiń 30 jyldyǵyna oraı «Táýelsizdik jetistigi» taqyrybynda synyp saǵaty men ashyq sabaqtar ótip jatyr.

Urpaq sanasyna egemendik jyldardyń qasıetin túsindirer joba aıasyndaǵy tárbıe saǵaty jalpy bilim beretin №137 orta mektebinde bastaý aldy.

Іs-sharanyń basty maqsaty – Táýelsizdiktiń 30 jyldyq mereıtoıynyń mańyzyn jáne Tuńǵysh Prezıdent-Elbasy Nursultan Nazarbaevtyń táýelsiz memlekettiń qalyptasýy men damýy jolynda atqarǵan eńbegin jas urpaqqa jetkizý.

Ashyq sabaqqa tek oqýshy men ustazdar ǵana qatyspaı, qalanyń qalyptasýyna jáne aımaqtyń damýyna úles qosqan zııaly qaýym ókilderi arnaıy shaqyrylǵan.

Jıynǵa ardager ustaz Nyshanbek Baıǵutov, «Shymkent qalasynyń áıelder keńesi» qoǵamdyq birlestiginiń tóraıymy Baıan Jandosova, qalalyq oqý-ádistemelik ortalyǵynyń dırektory Merýert Asqarbekqyzy qatysty.




Táýelsizdiktiń jetistikterin jete túsingen jas býyn, kezdesýge kelgen qonaqtarǵa suraq qoıyp, elimizdiń ótkeni men búgini jaıynda qyzý pikirtalas uıymdastyrdy.

Synyp saǵatynda oqýshylarǵa el Táýelsizdiginiń 30 jyl ishinde qol jetken jetistikteri, osy joldaǵy Elbasynyń sarabdal saıasatynyń jemisi, elimizdiń saıası-áleýmettik ahýaly, bilim men mádenıet, tarıh, rýhanı qundylyqtar, el birligi men tynyshtyǵy týraly keleli sózder aıtyldy.

Іs-sharada oqýshylar ónerin ortaǵa saldy. Biri aqyn-jazýshylardyń óleńin jatqa oqysa, endi biri dombyramen án shyrqady.








Joǵary qaraı