Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanǵa Reseıden gaz tartý máselesi qarastyrylyp jatyr - EM

2020 jyldyń 24 qarasha 2020 09:44

NUR-SULTAN. QazAqparat - Shyǵys Qazaqstanǵa Reseıden gaz tartý máselesi qarastyrylyp jatyr. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Soltústik óńirlerden basqa Qazaqstannyń shyǵys bóligi gazdandyrylmaǵan. Gazdandyrýdyń yqtımal nusqasy «Barnaýl – Rýbtsovsk – Semeı – Óskemen» baǵyty boıynsha Reseı Federatsııasynan gaz qubyryn salý bolyp sanalady. Bul rette Semeı mańynda Pavlodar oblysyna qaraı burý boljanady», - dedi mınıstr.

Onyń aıtýynsha, atalǵan baǵyt boıynsha gaz qubyryn salý osy óńirlerdegi 2,1 mln adamǵa kógildir otyn jetkizýge múmkindik beredi.

Tutyný kólemi jylyna 2,3 mlrd tekshe metr deńgeıinde dep boljanǵan.

«Qazirgi tańda bul jobany júzege asyrý múmkindigin anyqtaý úshin «QazTransGaz» AQ men «Gazprom» arasynda jumys toby qurylyp, bul másele Reseı tarapymen pysyqtalýda», - dedi Nurlan Noǵaev.


Joǵary qaraı