Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda jyl saıyn 20 myńnan astam náreste dúnıege keledi

2021 jyldyń 15 qazan 2021 14:58

ÓSKEMEN. QazAqparat – Shyǵys Qazaqstan oblysynda jyl saıyn 20 myńnan astam náreste dúnıege keledi, dep habarlaıdy QazAqparat tilshisi.

«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, óńir boıynsha jylyna jaryq dúnıe esigin ashatyn náreste sany 20 myńnan asady. Máselen, ótken jyly 22 290 sábıdiń kindigi kesilse, osy jyldyń 9 aıynda 17 161 kishkentaı shyǵysqazaqstandyq ómirge keldi.

«Alǵashqy aılarynda jańa týǵan náreste únemi baqylaýdy jáne durys kútimdi qajet etedi. Bul úshin oblystaǵy medıtsınalyq uıymdarda patronajdyq qyzmet bar. Náresteni úıge shyǵarǵannan keıin ony birden emhananyń ýchaskelik medbıkesi óz baqylaýyna alady. 18 jasqa deıingi balalar medıtsınalyq saqtandyrý júıesinde azamattardyń jeńildikti sanatyna kiredi. Sondyqtan olarǵa týǵannan bastap kámelettik jasqa tolǵanǵa deıin barlyq medıtsınalyq kómek memleket esebinen tegin kórsetiledi», - delingen aqparatta.

Eger perzenthanadan shyqqannan keıin ana men balaǵa patronajdyq medıtsına qyzmetkeri kelmegen jaǵdaıda, ata-analar naqty turatyn jeri boıynsha telefon arqyly emhanaǵa júgine alady. Patronaj qaǵıdalaryna sáıkes balany turaqty tekserip-qaraý úshin medbıkeni úıge shaqyrýǵa quqyly.

«Medıtsınalyq kómek alýǵa baılanysty qandaı da bir suraqtar týyndasa óz emhanańyzdaǵy Patsıentti qoldaý qyzmetine habarlasýǵa múmkindigińiz bar. Sondaı-aq qorǵa resmı keri baılanys arnalary arqyly ótinish bere alasyz. Atap aıtqanda, 1406 baılanys ortalyǵy, «Qoldau 24/7» mobıldi qosymshasy jáne fms.kz saıty», - delingen habarlamada.


Joǵary qaraı