Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda jyl bastalǵaly beri 83 órt boldy

2022 jyldyń 27 qańtar 2022 04:21

ÓSKEMEN. QazAqparat – Shyǵys Qazaqstan oblysynda bıyl 83 órt shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 2022 jyldyń basynan beri óńir aýmaǵynda 83 ret órt bolǵan. Sonyń ishindegi 40-y turǵyndardyń otty abaısyz qoldanýy saldarynan, 20-y peshti paıdalaný kezinde qaýipsizdik erejelerin saqtamaýdan, 10-y elektr jabdyǵyn talapqa saı qoldanbaýdan bolsa, 13 órt kólikte shyqqan.

«Jylytý maýsymy bastalǵanda TJD mamandary halyqtyń áleýmettik osal tobyna jatatyn 8172 otbasynyń úılerine bardy. Órttiń aldyn alý maqsatynda jiti túsindirý jumystary júrgizilgen. Sondaı-aq «Qazmyrysh» JShS-men jasalǵan memorandým aıasynda 1500-den astam úıge ýly gazdy anyqtaıtyn datchık ornatyldy», - delingen habarlamada.

Qutqarýshylar úılerge baryp, azamattarǵa peshti, elektr quraldaryn qalaı durys paıdalaný kerektigin kórsetti. Bıyl 17 046 ret aralaý júrgizilip, sonyń nátıjesinde 26 925 adam qaýipsizdik nusqaýlyqtarymen tanystyrylǵan.








Joǵary qaraı