Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda satýshy áıel ózi jumys isteıtin dúkennen aqsha urlaǵan

2021 jyldyń 15 qazan 2021 04:21

ÓSKEMEN. QazAqparat – Shyǵys Qazaqstan oblysy Glýbokoe aýdanyndaǵy dúkende jumys isteıtin áıel kassadaǵy 2 mln teńgeni qaltasyna basqan, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylaryna jergilikti jeke kásipker júgingen.

Óz sózinde ol qol astynda jumys isteıtin 28 jastaǵy saýda ókiliniń iri kólemde aqsha jymqyrǵanyn jetkizdi.

«Belgili bolǵandaı, áıel adam óziniń qyzmettik jaǵdaıyn paıdalana otyryp, Glýbokoe aýylynda ornalasqan dúkennen aqsha urlaǵan. Osynyń saldarynan jábirlenýshige kelgen jalpy shyǵyn mólsheri – 1 900 000 teńgeden asty», - dep habarlady vedomstvo ókilderi.

Polıtsııa qyzmetkerleri jedel-izdestirý sharalaryn júrgizý kezinde 28 jastaǵy kúdiktini ustap, bólimshege jetkizdi.

Qazirgi ýaqytta atalǵan fakti boıynsha QR QK-niń 189-baby 2-bóligi 3-tarmaǵyna sáıkes sotqa deıingi tergeý amaldary bastaldy.

Joǵary qaraı