Shyǵys Qazaqstanda pýlmonolog mamandar jetispeıdi
ÓSKEMEN. QazAqparat – Shyǵys Qazaqstan oblysynda pýlmonolog mamandar jetispeýde, dep habarlaıdy QazAqparat tilshisi.
Bul týraly ShQO Óńirlik kommýnıkatsııalar qyzmetinde onlaın formatta ótken baspasóz konferentsııasynda oblystyq Densaýlyq saqtaý basqarmasynyń orynbasary Vladımır Lı málimdedi. Onyń aıtýynsha, búgingi tańda Shyǵys Qazaqstanda barlyǵy 13 pýlmonolog jumys isteýde.
«Medıtsınalyq mekemelerge 7 pýlmonolog maman jetispeıdi. Jalpy, juqpaly aýrýlar statsıonarlarynda koronavırýsqa qarsy kúreske ınfektsıonıst, anestezıolog-reanımatolog, pýlmonolog, jalpy praktıka dárigeri, terapevt jáne kardıolog mamandary jumyldyrylǵan. Sondaı-aq qajet bolǵan jaǵdaıda basqa da saladaǵy dárigerler tartylýy múmkin», – dedi Vladımır Lı.
ShQO Densaýlyq saqtaý basqarmasy orynbasarynyń aıtýynsha, óńirde karantındik statsıonarlarda negizinen terapevtter men jalpy praktıka dárigerleri jumys isteýde.
