Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda oqshaýlaý rejımin buzǵan 16 adamǵa aıyppul salyndy

2021 jyldyń 28 qyrkúıek 2021 21:49

ÓSKEMEN. QazAqparat – Shyǵys Qazaqstan oblysynda ózin-ózi oqshaýlaý rejımin buzǵan 16 adam jaýapqa tartyldy, dep habarlaıdy QazAqparat tilshisi.

ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, oqshaýlaný tártibin elemegen 16 adamǵa qatysty QR Ákimshilik quqyq buzý kodeksiniń 425-baby 1-bóligine sáıkes hattama toltyrylǵan.

Onyń ishinde Semeıden - 13, Óskemennen - 2 jáne Altaı qalasynan 1 adamnan anyqtalyp otyr.

«Búgingi tańda óńir boıynsha «Ashyq» jobasyna 8566 nysan (resmı qatysýshylar – 8382, synaq rejımindegiler – 184) qatysýda. Sonyń nátıjesinde 10 maýsym men 26 qyrkúıek aralyǵynda «qyzyl» mártebesi bar 1476 adam, «sary» mártebedegi 2295 adam túrli obektilerge kirgizilmedi», - delingen habarlamada.

Osy rette departament mamandary úı karantınindegi oblys turǵyndaryn talapty saqtaýǵa shaqyrady.

Sondaı-aq naýqaspen baılanysta bolǵan azamattar basqalarǵa vırýs juqtyrmas úshin oqshaýlaý rejımin qatań ustanýy tıis.


Joǵary qaraı