Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda memleketaralyq izdeýde júrgen eki qylmysker ustaldy

2022 jyldyń 16 mamyr 2022 21:48

ÓSKEMEN. QazAqparat – Shyǵys Qazaqstan oblysy Altaı aýdanynda memleketaralyq izdeýde júrgen eki er adam quryqtaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, aýdandyq PB krımınaldyq polıtsııa bólimshesiniń qyzmetkerleri Aıbek Túsiphanov pen Dılıara Kamıtova memleketaralyq izdeýde júrgen eki qylmyskerdi anyqtady.

29 jáne 30 jastaǵy oblys turǵyndary buǵan deıin sotty bolǵan.

«Sot úkimi boıynsha ekeýine bas bostandyǵynan shekteý jazasy taǵaıyndalǵan. Alaıda sottalǵandar probatsııa qyzmetine mindetti tirkeýge kelmegen. Olardyń qaıda ekenin anyqtaý boıynsha júrgizilgen alǵashqy izdestirý sharalary nátıje bermedi. Sondyqtan olarǵa memleketaralyq izdeý jarııalaý týraly sheshim qabyldanǵan», - delingen habarlamada.

Kóp uzamaı izdestirý jumystary oń nátıje berdi. Sottalǵandardyń biri Shyǵys Qazaqstan oblysy Shemonaıha aýdany Verh-Ýba aýylynda ustaldy.

Saqshylardan jasyrynǵan ekinshi adam Altaı qalasynan tabyldy.

«Polıtseılerge izdeýde júrgen azamat týysynyń úıinde jasyrynyp júrgeni týraly jedel aqparat kelip túsken. Ustalǵan kezde er adam ájesiniń shkafynda jasyrynyp otyrǵan. Qazirgi ýaqytta ekeýi de ızolıatorǵa qamaýǵa alyndy», - delingen aqparatta.

Esterińizge sala ketsek, osyǵan deıin ShQO-da shomylý maýsymy bastalmaı turyp 3 adam sýǵa ketkenin habarlaǵan edik.


Joǵary qaraı