Aýa raıy
Astana -6 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda koronavırýstyń órshýine ne sebep

2020 jyldyń 30 qazan 2020 17:51

NUR-SULTAN. QazAqparat - Shyǵys Qazaqstan oblysynda koronavırýs indetiniń órshýine óńirdegi kóshi-qonnyń joǵary bolýy yqpal etýi múmkin. Bul týraly QR Densaýlyq saqtaý vıtse-mınıstri - Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Qazirgi problemanyń birqatar obektıvti sebebi bar. Sonyń biri - halyqtyń kóshi-qon qabiletiniń joǵary bolýy. Kórshiles memleketterdiń shekaralas aýdandarynda óte qolaısyz jaǵdaı qalyptasyp, naýqastaný deńgeıi joǵary bolyp tur. Sonyń saldarynan halyqtyń kóship-qonýy kezinde syrttan keletin jaǵdaı jıi bolýda», - dedi ol Ortalyq kommýnıkatsııalar qyzmetindegi baspasóz máslıhatynda.

Sonymen qatar ol Densaýlyq saqtaý mınıstrligi óńirdegi máselelerdi zerdeleý úshin komıssııa jibergenin, birqatar problema anyqtalǵanyn aıtty.

Ásirese jekemenshik zerthanalar jumysynda kemshilik bar ekendigin atap ótti.

«Habarlaý 3-5 táýlikke deıin keshigip jetizilgen. Sonyń saldarynan sanıtarlyq-epıdemıologııalyq qyzmet is-sharalardy kesheýildetip júrgizgen. Karantın sharalaryn asyra paıdalaný faktileri de anyqtalyp jatyr. Qoǵamdyq kóliktegi jolaýshylardyń 50 paıyzyna deıin maskasyz júrip, araqashyqtyqty saqtamaǵan», - dedi Erlan Qııasov.


Joǵary qaraı