Aýa raıy
Astana -1 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda koronavırýspen kúrestiń jańa baǵdarlamasy ázirlendi

2020 jyldyń 21 qyrkúıek 2020 21:01

ÓSKEMEN. QazAqparat – Shyǵys Qazaqstan oblysynda koronavırýs ınfektsııasynyń oshaǵynan oqshaýlaý ortalyǵy ashylmaq, dep habarlaıdy QazAqparat tilshisi.

Búgingi tańda óńirde juqpaly indetpen kúresýdiń jańa baǵdarlamasy ázirlengen. Ótkendegi tájirıbege súıenip, Memleket basshysynyń eskertýin eskere otyryp, aımaqta koronavırýs ınfektsııasynyń oshaǵynan oqshaýlaý ortalyǵy ashylady.

Ortalyqty oblys ákimi Danıal Ahmetov basqarady.





«Ortalyqta koronavırýs ınfektsııasymen aýyrǵan naýqastarmen qarym-qatynasta bolǵan adamdar medıtsınalyq tekserýden ótedi. Budan soń dárigerler men polıtsııa qyzmetkerleri birlese otyryp, tıisti sharalardy qabyldaıdy. Atalmysh sala mamandary úı jaǵdaıyndaǵy karantınniń saqtalýy men naýqastyń tolyq rejımde em qabyldaýyn baqylaýda ustaıtyn bolady» delingen ShQO aqparat ortalyǵy taratqan habarlamada.

Endi pnevmonııamen aýyrǵan naýqastar eń aldymen kompıýterlik tomografııadan ótedi. Sodan soń ǵana olar ınfektsııalyq statsıonarǵa jatyp, em qabyldaıdy.





Sonymen qatar provızorlyq tósekterden bas tartý týraly sheshim qabyldanǵan. Onyń ornyna iri medıtsınalyq mekemelerdiń bazasynda ınfektsııalyq bólimsheler ashylady.

Prezıdent tapsyrmasyn oryndaý maqsatynda óńirde vırýstyń ekinshi tolqynyn kútpeı-aq onyń aldyn alý maqsatynda tıisti sharalar qabyldanýda.


Joǵary qaraı