Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda ıis tıgen 4 adam aýrýhanaǵa jetkizildi

2021 jyldyń 20 qazan 2021 16:41

ÓSKEMEN. QazAqparat – Shyǵys Qazaqstan oblysynda ıis tıgen 4 adam aýrýhanaǵa jetkizildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa búgin Glýbokoe kentinde bolǵan.

Tazalanbaǵan murja saldarynan bir otbasy músheleri zardap shekti.

«2000, 2002, 2006 jáne 2010 jylǵy tórt adamǵa ıis tıgen. 2006 jyly týǵan qyzdyń jaǵdaıy aýyr, al qalǵandary ortasha dárejede. Qazirgi ýaqytta barlyǵy aýrýhanaǵa jatqyzyldy», - delingen aqparatta.




Belgili bolǵandaı, aýdandyq tótenshe jaǵdaılar bóliminiń qyzmetkerleri tamyz aıynda osy úıdiń turǵyndaryna peshti jylytý maýsymyna daıyndaý qajettigi týraly eskertken.

«Qutqarýshylar turǵyn úıde kómirtegi totyǵynyń quramyn arnaıy aspappen ólshegen edi. Aspap ýly gazdyń bar ekenin kórsetken. Sodan keıin úı ıesine bólmelerdi jeldetip jáne peshti paıdalaný kezinde buzýshylyqtardy joıý boıynsha usynymdar berildi. Biraq olar órt sóndirýshilerdiń keńesine qulaq aspaǵan», - delingen habarlamada.


Joǵary qaraı