Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda brakonerlerden 220 keliden astam balyq tárkilendi

2022 jyldyń 23 mamyr 2022 03:08

ÓSKEMEN. QazAqparat – Shyǵys Qazaqstan oblysynda brakonerlerden 150 keliden astam balyq tárkilendi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Jarma aýdanynda polıtseıler 48 jastaǵy Qalbataý aýylynyń turǵyny tizgindegen kólikti toqtatqan.

Tekserý barysynda kólikten 150 keliden astam sazan balyq, 2 aý jáne 2 rezeńke qaıyq tárkilendi. Semeı balyq ınspektsııasy dereginshe, brakonerlerdiń kesirinen memleketke 900 000 teńge mólsherinde zalal keltirildi.

«Budan bólek, tártip saqshylary Balyqtykól kóliniń mańynda 43 jastaǵy azamat tizgindep kele jatqan «VOLKSWAGEN» avtokóligin toqtatty. Kólikte 48 jastaǵy jolaýshy bolǵan. Ol júrgizýshimen birge 74,3 keli sazan balyǵyn zańsyz aýlaǵany anyqtaldy», - delingen aqparatta.

Atalǵan faktiler boıynsha QR QK-niń 335-baby 3-bóligine (Balyq resýrstaryn, basqa da sý janýarlaryn nemese ósimdikterin zańsyz alý) sáıkes sotqa deıingi tergeý amaldary bastaldy. Osy baptyń sanktsııasy 3 jylǵa deıingi merzimge bas bostandyǵynan aıyrýdy kózdeıdi.


Joǵary qaraı