Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda bıyl sýǵa ketkender sany 9 paıyzǵa artqan

2021 jyldyń 15 qyrkúıek 2021 01:50

ÓSKEMEN. QazAqparat – Shyǵys Qazaqstan oblysynda bıylǵy shomylý maýsymynda sýǵa batqandar sany ótken jylǵy kezeńmen salystyrǵanda 9 paıyzǵa artty, dep habarlaıdy QazAqparat tilshisi.

Bul jaıly búgin onlaın formatta ótken baspasóz máslıhaty barysynda shomylý maýsymyn qorytyndylaǵan oblystyq TJD Azamattyq qorǵanys basqarmasynyń bastyǵy Rýslan Orynbekov málimdedi.

«Óńir aýmaǵynda 2254 sý qoımasy bar. Shomylý maýsymy bastalǵaly beri 36 adam, onyń ishinde 10 bala sýǵa ketken. Bul 2020 jyldyń sáıkes kezeńimen salystyrǵanda 9%-ǵa artyq. Sonymen qatar departament qyzmetkerleri batyp bara jatqan 23 adamdy qutqaryp qaldy. Onyń ishinde 6 bala bar», - dedi ol.

Oblys boıynsha 79 demalys bazasy jáne 14 balalar lageri jaǵalaýda ornalasqan. Olardyń árqaısysynda sý túbi tekserilip, 112 qutqarýshy jasaq arnaıy daıyndyqtan ótti. Budan bólek, 48 qutqarý beketi qurylǵan.

Shyǵys Qazaqstan oblysy ákiminiń qaýlysymen shomylýǵa tyıym salynǵan jalpy sany 64 ýchaske anyqtaldy.


Joǵary qaraı