Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda bıyl egis alqaby 14,6 myń gektarǵa artty

2022 jyldyń 22 mamyr 2022 16:52

ÓSKEMEN. QazAqparat – Shyǵys Qazaqstan oblysynda bıyl aýyl sharýashylyǵy daqyldarynyń egis alańy 14,6 myń gektarǵa artty. Óńirde kóktemgi dala jumystary aıaqtalýǵa jaqyn, dep habarlaıdy QazAqparat tilshisi.

Bıyl sharýalar kúnniń kúrt jylýyna baılanysty egis jumystaryn jyldaǵydan erte bastady. Aýyl sharýashylyǵy daqyldarynyń egis alańy - 1393,3 myń ga. Bul - ótken jylmen salystyrǵanda 14,6 myń ga artyq.

ShQO Aýyl sharýashylyǵy basqarmasy basshysynyń mindetin atqarýshy Ramıl Saǵandyqovtyń aıtýynsha, kóktemgi egis jáne egin jınaý jumystaryn nátıjeli júrgizý úshin oblystyq bıýdjetten 6 mlrd teńge sýbsıdııa bólingen. Bul - 2021 jylǵy somadan 577 mıllıon teńgege kóp.

«Atap aıtqanda, tuqym sharýashylyǵyn qoldaýǵa - 2 mlrd 367 mln, mıneraldy tyńaıtqyshtardyń qunyn arzandatýǵa - 2 mlrd, pestıtsıdterdiń baǵasyn arzandatýǵa - 1 mlrd 472 mln, sýarmaly sýdy jetkizý boıynsha qyzmetterdiń qunyn sýbsıdııalaý úshin - 179 mln teńge qarastyrylǵan. Aımaq boıynsha dándi jáne dándi-burshaqty daqyldar 601,9 myń gektarǵa, onyń ishinde kúzdik daqyldar 36,5 myń, maıly daqyldar 484,7 myń, azyqtyq daqyldar 274,4 myń, kartop 19 myń, kókónister men baqsha ónimderi 13,3 myń gektarǵa egildi», - dedi ol.

Esterińizge sala ketsek, osyǵan deıin ShQO-da 116 jaǵajaıda shomylýǵa tyıym salynǵanyn habarlaǵan edik.


Joǵary qaraı