Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda bıyl 70-ten astam monsha órtendi

2021 jyldyń 23 qyrkúıek 2021 20:50

ÓSKEMEN. QazAqparat – Shyǵys Qazaqstan oblysynda jyl basynan beri 70-ten astam monsha otqa orandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, sońǵy ýaqytta óńir boıynsha monsha órti jıilep ketti. Sońǵy oqıǵa 22 qyrkúıekte Óskemen qalasyndaǵy Pogranıchnaıa kóshesinde bolǵan.

«Órt sóndirýshiler sol jerge shuǵyl kelip jetip, 15 sharshy metrdi sharpyǵan jalyndy aýyzdyqtady. Órttiń shyǵý sebebi – pesh murjasyn tóbe jabyndysynyń aǵash qurylymdarynan shyǵarý kezinde qaýipsizdik erejeleriniń saqtalmaýy blyp otyr. Dál osyndaı sebeppen bir kún buryn Rıdderdegi Malaıa Talovka kóshesinde ornalasqan jer úı qasyndaǵy monsha órtendi. Órt sóndirýshileri kóp uzamaı qyzyl jalyndy óshirdi», - dep habarlady vedomstvo ókilderi.

Jyl basynan beri oblys boıynsha 70-ten astam monsha órtengen. Statıstıka kórsetkendeı, monshalar kóbinese peshti ornatý jáne paıdalaný kezinde órt qaýipsizdigi talaptaryn buzýdan, otty abaısyz paıdalanýdan, elektr jabdyqtaryn paıdalaný erejelerin buzýdan órtenip jatady.





Joǵary qaraı