Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda bıyl 20 myń oqýshy birinshi synypqa barady

2021 jyldyń 29 shilde 2021 22:41

ÓSKEMEN. QazAqparat – Shyǵys Qazaqstan oblysynda bıyl 20 myń oqýshy birinshi synypqa barady, dep habarlaıdy QazAqparat tilshisi.

Oblystyq bilim basqarmasynyń basshysy Saırangúl Jumadilovanyń aıtýynsha, jańa oqý jylyna josparly daıyndyq aıasynda óńirdiń barlyq mektepteri medıtsınalyq maskalarmen, sanıtaızerlermen, antıseptıkalyq kilemshelermen jáne dezınfektsııalyq quraldarmen qamtamasyz etilgen.

Búginde 22 myńnan astam mektep, kolledj jáne ınternat uıymdarynyń pedagogteri vaktsına aldy.

«Bıylǵy oqý jylynda oblystyń 647 jalpy bilim beretin mektebinde 198 myńnan astam oqýshy bilim alady. Onyń ishinde 20 myńǵa jýyq bala mektep tabaldyryǵyn alǵash attaıdy. Qazirgi ýaqytta 7 mektepte kúrdeli, al 130 mektepte aǵymdaǵy jóndeý jumystary júrgizilýde. Barlyq jóndeý jumystary 20-tamyzǵa deıin aıaqtalady», - dedi S.Jumadilova.

Sondaı-aq ol jańa oqý jylynda barlyq oqýshylar oqýlyqpen jáne oqý-ádistemelik quraldarymen qamtamasyz etiletinin, al shalǵaı aýyldarda turatyn 3 myń bala úshin mektep avtobýstary qatynaıtynyn habarlady.

Ol úshin oblystyq bıýdjet esebinen qosymsha 26 kólik satyp alyndy.

Aımaqtyń 584 mektebinde 196 myńnan astam oqýshy ystyq tamaqpen qamtamasyz etiletin bolady. Onyń ishinde 37 myńy az qamtylǵan jáne kópbalaly otbasylardyń balalary.


Joǵary qaraı