Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstanda bir de bir jaǵajaı shomylý maýsymyna daıyn emes

2022 jyldyń 19 mamyr 2022 21:56

ÓSKEMEN. QazAqparat – Shyǵys Qazaqstan oblysynda bir de bir jaǵajaı shomylý maýsymyna daıyn emes, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda jazdyń alǵashqy aıynda sýǵa túsý maýsymy bastalady.

Alaıda áli kúnge deıin bir de bir jaǵajaı maýsymǵa daıyn bolmaı tur. Qutqarýshylar qalalardaǵy sý aıdyndarynyń túbine barlaý jumystaryn júrgizip jatyr.

«Oblysta halyq tyǵyz ornalasqan jerlerde 2 myńnan astam sý qoımasy bar. Shomylý oryndarynyń talapqa saı kelmeýi – sýdaǵy jazataıym oqıǵalardyń negizgi sebebine ekendigi belgili. Ótken sýǵa túsý maýsymynda 35 adam, onyń ishinde 10 bala sýǵa batyp ketti», - delingen aqparatta.

Shyǵys Qazaqstan oblysy ákimdiginiń qaýlysyna sáıkes, aımaq boıynsha jabdyqtalǵan 16 ýchaske bar. Onyń 5-eýi Óskemen qalasynda ornalasqan.

Sonymen qatar qutqarýshylar sýdaǵy qaıǵyly jaǵdaılardyń aldyn alý maqsatynda jaǵajaılardy qaıyqpen patrýldeýde.

Barlyǵy 1503 reıd uıymdastyrylyp, 11 274 adamǵa túsindirý jumystary júrgizilgen.

Esterińizge sala ketsek, osyǵan deıin ShQO-da sel jáne laı kóshkini qaýpi bar kezeń bastalǵanyn habarlaǵan edik.








Joǵary qaraı