Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda 28 qazannan bastap karantın kúsheıtiledi

2020 jyldyń 27 qazan 2020 22:30

ÓSKEMEN. QazAqparat - Shyǵys Qazaqstan oblysynda karantın qatańdatylyp, birqatar shekteýler engizildi, dep habarlaıdy QazAqparat.

Búgin Shyǵys Qazaqstan oblysynyń bas sanıtar dárigeri Marat Ysmaıylov jańa qaýly qabyldady. Bul qujat 28 qazan saǵat 00:00 bastap kúshine enedi.

Oǵan sáıkes, Óskemende teatr, mádenı nysandar, basseın, saýna, monsha, kitaphanalar men mýzeılerdiń jumysyna tyıym salyndy. Oblystyń basqa óńirlerinde bul nysandar sanıtarlyq talaptardy qatań saqtap, ári qaraı jumys isteı beredi.

Fıtnes ortalyqtar, SPA, jattyǵý zaldary men sport-saýyqtyrý keshenderi de jumysyn toqtatady.

Qalaaralyq avtobýstar júrmeıdi, avtostansalar men avtovokzaldar jabyq turady.

Sondaı-aq burynnan kele jatqan toı, merekelik shara, sport jarysy, kórme, beıbit mıtıng, forým men konferentsııa sekildi sharalardy ótkizýge salynǵan tyıym saqtalady. Karaoke, bılıard, kompıýter klýbtary, túngi klýb, boýlıng ortalyqtary, balalar attraktsıondary, oıyn alańdary men býkmekerlik keńseler, kınoteatr, fýdkorttar baıaǵysha jumys istemeıdi.

Bas sanıtar aýdan-qala ákimderine de birqatar tapsyrma júktegen. Atap aıtqanda, olar oblys aýmaǵynda jáne Óskemen, Semeı, Rıdder, Kýrchatov qalalary men aýdandardyń perımetrinde shekteý sharalary engiziletin aımaqtyń shekarasyn belgileýi tıis.

Parkte, kóshede bir otbasy múshesi bolmasa, jalpy úsh adamnan artyq toptasyp júrýge bolmaıdy.

Jasy 65-ten asqan kisiler syrtqa shyqpaı, qashyqtan jumys isteý rejımine aýystyrylady. Jalpy, jumys berýshiler qyzmetkerlerdiń kem degende 60 paıyzyn osy formatqa aýystyrýy tıis.

Azyq-túlik dúkenderi men dámhanalar túngi 22:00 deıin ǵana jumys isteıdi. Al medıtsına ortalyqtary men stomatologııa aldyn ala jazylý arqyly keshki 18:00 deıin qyzmet kórsetýi tıis.

Qaýlynyń tolyq mátinimen myna siltemede tanysýǵa bolady.


Joǵary qaraı