Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstanda 15 PTR-zerthana jumys istep tur

2020 jyldyń 25 qarasha 2020 06:50

ÓSKEMEN. QazAqparat – Shyǵys Qazaqstan oblysynda qazirgi ýaqytta 15 PTR-zerthana jumys isteıdi, dep habarlaıdy QazAqparat tilshisi.

Óńirdegi PTR-zerthanalar kún saıyn turǵyndardan synamalar alyp, zertteýler júrgizýde. Sondyqtan bul zerthanalardyń jumysyn tolyqtaı qamtamasyz etý jáne zertteý nátıjeleriniń sapaly júrgizilýi basty nazarǵa qoıylǵan. ShQO Óńirlik kommýnıkatsııalar qyzmetinde ótken onlaın konferentsııa barysynda oblystyq Sanıtarlyq-epıdemıologııalyq baqylaý departamentiniń ókili Talǵat Tuńǵyshbaev búginde aımaq boıynsha jumys istep turǵan jeke jáne bıýdjettik zerthanalardy atap ótti.

«Shyǵys Qazaqstanda 7 jeke zerthana zertteýler júrgizedi, olar: «InVitro+» KDE, «OLIMP KDZ» JShS, «IN VIVO» JShS, «Alatau Clinic» JShS, «Aqualab» zerthanasy, «Oblystyq reprodýktıvti medıtsına ortalyǵy» JShS jáne Aqtoǵaı kentindegi modýldik zerthana. Bul rette, «IN VIVO» JShS, «Alatau Clinic» JShS jáne «Aqualab» zerthanasynda bıologııalyq materıal alý pýnktteri ǵana jumys isteıdi, al zertteýlerdiń ózi Nur-Sultan jáne Almaty qalalarynda júrgiziledi», - dedi ol.

Talǵat Tuńǵyshbaevtyń aıtýynsha, oblystyq jáne aýdandyq aýrýhanalar bazasynda zertteýler júrgizetin 8 memlekettik zerthana bar. Atap aıtsaq, Shyǵys Qazaqstan oblystyq aýrýhanasy, Ana men bala ortalyǵy, Óskemendegi Ulttyq saraptama ortalyǵy jáne onyń Semeı qalalyq bólimshesi, Óskemendegi №4 qalalyq aýrýhana, sondaı-aq Semeıdegi Jedel medıtsınalyq járdem aýrýhanasy.


Joǵary qaraı