Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Shyǵys Qazaqstan oblysyna 10 jyljymaly medıtsınalyq keshen alyndy

2020 jyldyń 23 qarasha 2020 21:43

ÓSKEMEN. QazAqparat – Shyǵys Qazaqstan oblysyna 10 jyljymaly medıtsınalyq keshen jetkizildi, dep habarlaıdy QazAqparat tilshisi.

Bul týraly ShQO Óńirlik kommýnıkatsııalar qyzmetinde ótken onlaın-baspasóz máslıhatynda oblystyq Densaýlyq saqtaý basqarmasy basshysynyń orynbasary Dýman Berikuly málim etti.

«Óńir boıynsha búginde koronavırýs ınfektsııasyn juqtyrýdyń 15 263 jaǵdaıy tirkelgen. Infektsııalyq jáne karantındik statsıonarlarda tósek-oryndardyń 17,1% toldy. Oblysta barlyǵy 3374 ınfektsııalyq jáne 490 karantındik tósek-oryn bar. Qazirde 637 adam aýrýhanaǵa jatqyzylǵan», - dedi ol.

Infektsııalyq statsıonardan qaýipti dertten saýyǵyp shyqqan 8 375 adam shyǵaryldy. Oblysta COVID-19 ınfektsııasynyń taralý qaýpin azaıtý, naýqastarmen baılanysta bolǵan adamdardy ýaqtyly izdeý jáne oqshaýlaý úshin medıtsınalyq-epıdemııalyq brıgadalar qurylǵan. Olardyń jumysyn oblys ákiminiń sıtýatsııalyq ortalyǵy bazasyndaǵy oqshaýlaý ortalyǵy úılestiredi.

«Sonymen qatar turǵyndardyń kútý ýaqyty men jedel járdem kóliginiń júktemesin azaıtý maqsatynda 216 dana kólik jetkizilmek. Qazirde 77 jedel járdem kóligi alyndy, qalǵandary jyl sońyna deıin ákelinedi dep kútilýde. Budan bólek, oblystyń qala, aýdandaryna 10 jyljymaly medıtsınalyq keshen alynǵan», - dedi Dýman Berikuly.


Joǵary qaraı