Aýa raıy
Astana -14 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

«Shuǵyla» qoǵamdyq qorynyń quryltaıshysy pandemııa kezinde qalaı jumys istegenderi týraly aıtty

2020 jyldyń 3 jeltoqsan 2020 19:31

NUR-SULTAN. QazAqparat - Ortalyq kommýnıkatsııalar qyzmetinde ótken onlaın brıfıngide «Shuǵyla» qoǵamdyq qorynyń quryltaıshysy Meıirhan Abdrahmanov koronavırýs indeti kezinde elimizdegi barlyq volonterdiń basyn qosyp, ottegi kontsentratsııasyn alý úshin qarajatty qalaı jınaǵany týraly aıtty, dep habarlaıdy QazAqparat tilshisi.

«Pandemııa aıaq astynan boldy. Bastapqyda bizdiń elde ondaı bolýy múmkin emes ekenine senip júrdik. Maýsym aıynda týysqandarymyz da, ózimiz de aýyra bastadyq. Sol kezde «Shuǵyla» qoǵamdyq qorynyń quryltaıshylary, kásipkerler bas qosyp, halyqqa osyndaı kezde kómektespegende qaı kezde kómektesetinimizdi aıttyq. Koronavırýsty emdeıtin oryndar kóptep ashylǵanmen, ol jerde ottegi jetispeı jatty. Ottegi jetispegendikten qanshama adam ómirden ozyp ketti. Bul máseleni ottegi kontsentratory sheshetinin bildik. Onyń eń yńǵaılysy – 5 lıtrligi eken. Onyń Qazaqstandaǵy baǵasy Qytaımen salystyrǵanda 6-7 ese qymbat boldy. Sol sebepti birden Qytaıdan satyp alýǵa sheshim qabyldadyq», - deıdi «Shuǵyla» qoǵamdyq qorynyń quryltaıshysy Meıirhan Abdrahmanov.

Onyń aıtýynsha, bastapqyda kásipker jigitter birigip, 50 ottegi kontsentratoryna tapsyrys bergen.

«Ottegi kontsentratoryn alatynymyz týraly aqparatty áleýmettik jelilerge jarııaladyq. Blogerler de aqparat taratýǵa atsalysty. Osylaısha 2 apta ishinde 450 mln teńge jınaldy. Úkimet qatty kómektesip, kedennen jyldam ótkizdi. Ottegi kontsentratorlary qysqa ýaqytta Qazaqstanǵa, sonyń ishinde elimizdiń túkpir-túkpirindegi aımaqtarǵa taratyldy. Sonymen qatar, Qyrǵyzstan, Ózbekstan, Tájikstan sııaqty baýyrlar memleketterge 20 kontsentratordan berdik», - deıdi ol.


Joǵary qaraı