Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

ShUAA Qashǵar okrýginiń 4,7 mln turǵyny koronavırýs testileýinen ótedi

2020 jyldyń 26 qazan 2020 09:42

BEIJІŃ. QazAqparat – Shyńjań Uıǵyr avtonomııalyq aımaǵynyń (ShUAA)Qashǵar okrýginiń barlyq halqy koronavırýstyń bar-joǵyn anyqtaıtyn testileýden ótedi, dep habarlaıdy QazAqparat tilshisi densaýlyq saqtaý isteri jónindegi jergilikti komıtettiń málimdemesine silteme jasap.

Jeksenbi kúni ShUAA Qashǵar okrýginiń 2,8 mıllıonnan astam turǵyny koronavırýs testileýinen ótti. 137 sımptomsyz aýrý tasymaldaýshy anyqtaldy. Barlyǵy 4,7 mln adam testileýden ótýi tıis, ony jergilikti bılik osy seısenbide aıaqtaýdy josparlap otyr.

Ótken senbide ShUAA bıligi Qashǵar okrýginde jergilikti turǵyndar arasynda sımptomsyz juqtyrýdyń bir oqıǵasy anyqtalǵannan keıin qalyptasqan epıdemıologııalyq jaǵdaıǵa shuǵyl den qoıý rejımin engizdi. Sonymen, josparly tekserý barysynda 17 jastaǵy qyzdyń koronavırýsqa testi oń nátıje kórsetti. Qyz jergilikti toqyma kásipornynda jumys isteıdi jáne sońǵy jyly aımaqtan tys jerlerge shyqpaǵan.

Tigin fabrıkasynyń basqa 831 qyzmetkeriniń testteri oń nátıje kórsetpedi, alaıda qyzdyń tanystary men onyń ata-analaryn, sondaı-aq olarmen baılanysta bolǵan adamdardy tekserý barysynda aýrýdyń taǵy 137 sımptomsyz tasymaldaýshysy anyqtaldy.

ShUAA Qashǵar okrýginde qoǵamdyq densaýlyq salasyndaǵy kúrdeli tótenshe jaǵdaılarǵa den qoıýdyń birinshi deńgeıi engizildi.

Eske sala keteıik, shilde aıynyń ortasynda ShUAA ákimshilik ortalyǵy Úrimji qalasy koronavırýstyń oshaǵyna aınalǵan edi, sodan keıin jergilikti bılik 40 kúnge sozylǵan lokdaýn engizdi.

Avtory: Rýslan Súleımenov


Basty sózder: Koronavırýs, Qytaı,
Joǵary qaraı