Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shomylý maýsymy: ShQO-da qutqarýshy ıtter kezekshilikke kiristi

2021 jyldyń 21 maýsym 2021 16:38

ÓSKEMEN. QazAqparat – Shyǵys Qazaqstan oblysynda sý jaǵalaýlaryndaǵy qaýipsizdikti qamtamasyz etý úshin qutqarýshylardan bólek, arnaıy úıretilgen ıtter de jumyldyryla bastady, dep habarlaıdy QazAqparat.

Óńir ákimdiginiń baspasóz qyzmetinen málim etkendeı, labrador tuqymdy Alesıa, Vılson, Hıt atty ıtter túsýge qaýipti sý jaǵalaýlaryn kúzetedi jáne zardap shekkenderdi qutqarýǵa qatysady.

«Labrador tuqymy adamdy jaqsy kóretindigimen, aqyldylyǵymen ári batyldyǵymen erekshelenedi. Qutqarýshy ıtterdi ashyq tústi keýdesheleri arqyly alystan baıqaýǵa bolady», - dedi ákimdikten.

Tótenshe jaǵdaılar departamentiniń aqparaty boıynsha, jaqyn arada ıtterdi úıretý jáne sýda qutqarý mashyqtary boıynsha sertıfıkat alý múmkindigi máselesi qaralatyn bolady.

«ShQO Tótenshe jaǵdaılar departamentindegi kınolog mamandardyń qyzmettik ıtterdi daıyndaýda tájirıbesi mol. Biz respýblıkada alǵashqylardyń biri bolyp ózimizdiń kınologııalyq qyzmetimizdi qurdyq. Al qazirgi ýaqytta qutqarýshy ıtter QR TJM árbir qutqarý bólimshesinde bar. Bıyl bizdiń qutqarýshy ıtter tórt izdestirý-qutqarý operatsııasyna qatysty», - dedi ShQO TJD Órt sóndirý qyzmetiniń basshysy Marat Ábilseıitov.


Basty sózder: Qoǵam, Shyǵys Qazaqstan oblysy, Aımaq,
Joǵary qaraı