Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO joldarynyń boıynda qysta 19 jylytý pýnkti ashylady

2021 jyldyń 12 qazan 2021 21:48

ÓSKEMEN. QazAqparat – Shyǵys Qazaqstan oblysynda qys mezgilinde jol boıynda 19 jylytý pýnkti iske qosylady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar men jergilikti atqarýshy organ ókilderi birlesip qysqa daıyndyq júrgizýde. Bıyl jalpy syıymdylyǵy 385 adam bolatyn, medıtsınalyq jabdyqtarmen, sý jáne janar-jaǵarmaı saqtaıtyn ydystarmen jabdyqtalǵan 19 jylytý pýnktin iske qosý josparlanyp otyr.

«Oblysta qys kezinde qandaı da bir qıyndyqqa tap bolǵandarǵa kómek kórsetý jáne azamattardy jylytý úshin 33 jol boıyndaǵy dámhana men 4 trassalyq medıtsınalyq-qutqarý pýnkti jumys isteıtin bolady. Adamdardy qar qursaýynan qutqarý úshin 406 tehnıka, onyń ishinde 153 jol talǵamaıtyn kólik saqadaı saı tur. Daǵdarys ortalyqtary aqparatty qabyldaýǵa, óńdeýge jáne tıisti sheshim qabyldaýǵa, jylý, sý jáne energııa kózderiniń turaqty jumysyna monıtorıng júrgizedi», - delingen aqparatta.




Aýa raıyna baılanysty eskertý jarııalanǵanda «Dármen» mobıldi qosymshasy jumys isteıdi. Onda joldardyń jabylýy men ashylýy, aýa raıy jaǵdaılary týraly aqparat alýǵa múmkindik bar.

Aıta keteıik, ótken qysta qutqarýshylar qar qursaýynan 452 adamdy, onyń ishinde 30 balany evakýatsııalap, 119 tehnıkany shyǵardy.






Joǵary qaraı