Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO turǵynynan qarý-jaraq arsenaly tárkilendi

2021 jyldyń 20 qyrkúıek 2021 14:03

ÓSKEMEN. QazAqparat – Shyǵys Qazaqstan oblysynda 56 jastaǵy er adam úıde qoldan qarý jasaǵan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary atys qarýyn zańsyz saqtady degen kúdikke ilikken azamattyń úıinde tintý júrgizdi.

Sonyń nátıjesinde, 56 jastaǵy er adamnyń úıinen 100-den astam oq-dári men 6 túrli qarý tárkilendi. Onyń ishinde 5,6 mm kalıbrli patronmen atatyn qoldan jasalǵan tapansha men myltyq, 28 jáne 12 mm kalıbrli TOZ-34 markaly tirkelmegen myltyqtar bar.

«Er adamnyń aıtýynsha, ol tárkilengen qarýdyń birnesheýin úıde qoldan jasaǵan. Kúdikti sot sanktsııasymen qamaýǵa alyndy. Oǵan qatysty QR QK-niń 287 jáne 288-baptary (qarýdy zańsyz saqtaý jáne daıyndaý) boıynsha sotqa deıingi tergeý amaldary júrgizilýde», - dedi ShQO PD bastyǵynyń orynbasary Talǵat Shaıahmetov.


Joǵary qaraı