Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO turǵyny sýǵa batyp bara jatqan qyzdy qutqaryp qaldy

2021 jyldyń 3 tamyz 2021 16:07

ÓSKEMEN. QazAqparat – Shyǵys Qazaqstan oblysynyń turǵyny Ádilhan Aýǵalıuly sýǵa batyp bara jatqan qyzdy qutqaryp qaldy, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, Taýly Úlbi sý qoımasynyń jaǵasynda demalyp jatqan er adam kómekke shaqyrǵan aıqaıdy estip qalady. Esh oılanbastan sýǵa sekirgen ol batyp bara jatqan qyzdy qutqaryp qalǵan.

Departament mamandarynyń aıtýynsha, bul tereń jáne aǵyny qatty sý aıdynynda qaıǵyly jaǵdaıdyń oryn alý qaýpi joǵary.

«Aıqaıdy estigende qyzdyń jaqyn jerde batyp bara jatqanyn birden túsindim. Qutqarýshylardy shaqyrýǵa ýaqyt bolmady. Mundaı sátte ár sekýndtyń quny altynǵa bergisiz. Qyzdyń tý syrtynan júzip baryp ustap aldym da jaǵaǵa deıin alyp shyqtym», - dep beıbit kúnniń batyry sol bir syn saǵatty eske aldy.

Osy rette, TJD qutqarýshylary óńir jurtshylyǵyna sý aıdyndaryndaǵy qaýipsizdik erejelerin qatań saqtaý qajettigin eskertti.


Joǵary qaraı