Aýa raıy
Astana -23 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO turǵyny 35 jyl boıy qujatsyz júrgen

2020 jyldyń 26 qazan 2020 21:01

ÓSKEMEN. QazAqparat – Shyǵys Qazaqstan oblysy polıtsııa departamentiniń kóshi-qon qyzmetine Altaı aýdanyndaǵy Ómirlik qıyn jaǵdaıda qalǵan adamdardy áleýmettendirý ortalyǵynyń mamany júginip, 1974 jyldan beri reseılik tólqujatpen júrgen 63 jastaǵy zeınetkerge kómek kórsetýdi suraǵan, dep habarlaıdy QazAqparat tilshisi.

Anyqtalǵandaı, áıel adam Qazaqstan Respýblıkasyna 1985 jyly Reseı Federatsııasynyń Perm oblysynan kóship kelgen. Ol Qazaqstan azamattyǵynyń jeke kýáligin almaı, 1974 jylǵy úlgidegi pasportpen júrdi. 2012 jyly óz betimen kýáligin aýystyryp kórmek bolyp edi, biraq onysynan túk shyqpaǵan.

«Polıtseıler qysqa ýaqyt ishinde qajetti aqparattardy alý úshin Reseıge suraýhat jiberdi. Tıisti jaýap alynǵannan keıin zeınetkerge Qazaqstan Respýblıkasy azamatynyń jeke kýáligi jasalǵan», - dep habarlady departamenttiń baspasóz qyzmeti.

Óz kezeginde Anna Aleksandrovna polıtsııa qyzmetkerlerine qujattardy daıyndaýǵa kómekteskenderi úshin alǵysyn jetkizdi.

Osy rette, ShQO PD kóshi-qon qyzmeti áli jeke basyn kýálandyratyn qujattardy almaǵan turǵyndarǵa ózderiniń turǵylyqty jeri boıynsha polıtsııa bólimshesine júginýi qajettigin eske saldy.

Joǵary qaraı