Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO turǵyndarynyń 97 paıyzy halyq sanaǵynan ótti

2021 jyldyń 28 qazan 2021 00:57

ÓSKEMEN. QazAqparat – Shyǵys Qazaqstan oblysynda turǵyndardyń 97 paıyzy halyq sanaǵynan ótti, dep habarlaıdy QazAqparat tilshisi.

Elimizde kezekti ulttyq halyq sanaǵy júrgizilip jatqany belgili. Shyǵys Qazaqstan oblysynda sanaqtyń qalaı ótip jatqany týraly baspasóz brıfıngi barysynda aıtyldy.

ShQO ákiminiń birinshi orynbasary Almashan Smatlaevtyń málimetinshe, sanaqtan onlaın rejımde 788 myńnan astam adam ótken. Bul óńir jurtshylyǵynyń 58 paıyzy. Osy kórsetkish boıynsha oblys respýblıkada birinshi orynda tur.

«Saýalnama 1 qazannan bastap offlaın rejımde júrgizilýde. Búgingi tańda 533 myń azamat nemese aımaq halqynyń 39 paıyzy saýalnama suraqtaryna jaýap bergen. Jalpy, ulttyq sanaqtan Shyǵys Qazaqstan turǵyndarynyń 97 paıyzy ótti», - dedi ol.

ShQO boıynsha Ulttyq statıstıka bıýrosy departamentiniń basshysy Berik Terlikbaevtyń sózinshe, Abaı aýdanynda derekterdi jınaý merziminen buryn aıaqtaldy. Osy kórsetkish boıynsha Katonqaraǵaı aýdany ekinshi, al Shemonaıha aýdany úshinshi orynǵa jaıǵasqan.


Joǵary qaraı