Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO polıtseıleri zańsyz satylǵan 500-ge jýyq pırotehnıkalyq ónimdi tárkiledi

2021 jyldyń 30 jeltoqsan 2021 21:50

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri zańsyz satylǵan 500-ge jýyq pırotehnıkalyq ónimdi tárkilendi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary 15 jeltoqsannan bastap «Pırotehnıka» jedel aldyn alý sharasyn júrgizip jatyr. Mundaǵy maqsat – Jańa jyl merekesinde qoǵamdyq qaýipsizdikti qamtamasyz etý jáne pırotehnıkalyq ónimderdiń zańsyz saýdasyna tosqaýyl qoıý.




«Shara barysynda bazarlar, dúkender men qoımalar tekserilýde. 14 kún ishinde polıtsııa qyzmetkerleri 780-nen astam reıd ótkizdi. Sonyń nátıjesinde, QR ÁQBtK-niń 196-baby 1-bóligine sáıkes (taýarlarmen nemese basqa zattarmen zańsyz saýda jasaǵany úshin) 17 ákimshilik hattama toltyryldy. 459 dana pırotehnıkalyq ónim tárkilenip, 495 000 teńgeden astam aıyppul óndirildi», - dedi oblystyq PD bastyǵy Saǵat Mádıev.

Aıta keteıik, «Pırotehnıka» jedel aldyn alý sharasy 12 qańtarǵa deıin jalǵasady.


Joǵary qaraı