Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO polıtseıleri bir kúnde 9 mln teńgeden astam aıyppul óndirdi

2021 jyldyń 23 maýsym 2021 14:54

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri bir kúnde 9 mln teńgeden astam aıyppul óndirdi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «Boryshker» jedel aldyn alý sharasy ákimshilik quqyqbuzýshylyq jasaǵandardan aıyppul óndirýge baǵyttalǵan.

«Shara barysynda arnaıy mobıldi toptar qurylǵan. Tártip saqshylary reıdke shyǵyp, boryshkerlerden jalpy somasy 9 mıllıon teńgeden astam aıyppul óndirdi. Sonymen qatar polıtsııa qyzmetkerleriniń zańdy talaptaryn oryndamaǵan 48 júrgizýshiniń kólikteri aıyppul turaǵyna qoıyldy», - delingen habarlamada.

Mysaly, Semeı qalasynan Óskemenge jıi jol júretin turǵyn 10 ret ereje buzyp, aıyppulyn tólemeı júrgen. Onyń qaryzynyń jalpy somasy 77 myń teńgege jetti. Er adamnyń kóligi aıyppulyn tolyqtaı tólegenshe arnaıy turaqqa qoıylǵan.


Joǵary qaraı