Aýa raıy
Astana 2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-nyń Jarma aýdanynda 60 joba júzege asyrylýda

2020 jyldyń 26 qyrkúıek 2020 05:05

ÓSKEMEN. QazAqparat – Shyǵys Qazaqstan oblysy Jarma aýdanynda áleýmettik nysandardy jóndep, eldimekenderdi abattandyrý maqsatynda 60 joba júzege asyrylýda, dep habarlaıdy QazAqparat tilshisi.

Jarma aýdany ákiminiń orynbasary Aıdar Ibraevtyń aıtýynsha, 60 jobanyń 25-i «Jumyspen qamtýdyń jol kartasy» baǵdarlamasy aıasynda qolǵa alynǵan.

Búginde Qalbataý aýylyndaǵy úsh kóshe men Shar qalasyndaǵy Qabanbaı kóshesine ortasha jóndeý jumystary júrgizilgen. Shar qalasyndaǵy Amangeldi kóshesine, Qalbataýdaǵy eki kóshege, sondaı-aq Áýezov kentindegi Geologııa kóshesine jaryq tartyldy. Qalbataý aýylynda erekshe qajettilikteri bar balalarǵa arnalǵan oıyn alańy salynǵan. Shýaq aýylynda balalarǵa arnalǵan oıyn alańy boı kóterdi.

«Búgingi kúni 23 joba júzege asyryldy. Al qalǵan eki joba jýyqta aıaqtalady. Sonymen qatar «Aýyl-el besigi» baǵdarlamasy aıasynda 5 joba qolǵa alynǵan. Áýezov kentinde 400 oryndyq mádenıet úıiniń qurylysy júrip jatyr», - dedi Aıdar Ibraev.

Baqyrshyqtaǵy orta mektep pen Abaı atyndaǵy mektep-gımnazııasyna kúrdeli jóndeý jumystaryn júrgizý maqsatynda 486 mıllıon teńge bólingen. Jóndeý jumystary kestege sáıkes júrýde. Budan bólek, Qalbataý aýyly men Áýezov kentindegi joldarǵa ortasha jóndeý jumystary júrgizilýde.


Joǵary qaraı