Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO mektepterinde bolashaq ınjenerlerdi daıyndaıtyn bolady

2021 jyldyń 20 qyrkúıek 2021 19:19

ÓSKEMEN. QazAqparat – Shyǵys Qazaqstan oblysynda ınjenerler tapshylyǵyn sheshý úshin mektepterde arnaıy sabaqtar engizilýde, dep habarlaıdy QazAqparat tilshisi.

Sońǵy jyldary óńirde ınjenerlik mamandyqty tańdaıtyn túlekter azaıyp ketken. Keleshekte bul osy salada maman tapshylyǵyn kúsheıe túsýi ábden múmkin. Bul jaıly D.Serikbaev atyndaǵy ShQTÝ rektory Jasulan Shaımardanov málim etti.

«Bolashaq stýdentter tehnıkalyq mamandyqtar boıynsha oqýdyń qıyn ekendigin túsinedi. Sebebi ınjener ataný úshin fızıka men matematıka pánderinen joǵary bilim bolýy qajet. Ókinishke qaraı, mektepterde fızıka-matematıkalyq daıyndyqqa tıisti kóńil bólinbeýde. Bul másele ásirese aýyldarda óte ózekti», - dedi ol.

Rektordyń aıtýynsha, ýnıversıtet «Injenerlik synyptar» jobasyn iske asyrýdy bastady. Qazir óńirdegi fızıka jáne matematıka pánderi tereńdetilip oqytylatyn 11 mektepte osyndaı synyp ashylǵan.

«Osy jyly taǵy 14 bilim ordasyna ınjenerlik synyptardy engizemiz. 7-synyptan bastap balalar mamandandyrylǵan pánderdi tereńirek zerttep, ýnıversıtette praktıkalyq daıyndyqtan ótedi. Osylaısha olar mektep bitirgende bolashaq mamandyǵyn erkin meńgere alady», - dedi Jasulan Shaımardanov.


Joǵary qaraı