Aýa raıy
Astana -18 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

ShQO mektebinde oqýshydan koronavırýs tabyldy

2020 jyldyń 23 qyrkúıek 2020 18:00

NUR-SULTAN. QazAqparat - Shyǵys Qazaqstan oblysynda mektepte kezekshi synypta oqıtyn oqýshydan koronavırýs anyqtaldy. Bul aqparatty QR Densaýlyq saqtaý mınıstrliginiń resmı ókili Baǵdat Qojahmetov rastady, dep habarlaıdy QazAqparat tilshisi.

«14 qyrkúıek kúni Shyǵys Qazaqstan oblysynyń Altaı aýdanyna qarasty Parygına eldi mekeninde kezekshi synypta oqıtyn oqýshynyń (2 synyp) koronavırýs juqtyrýynyń alǵashqy jaǵdaıy anyqtaldy. Balanyń anasy - muǵalim. Birinshi kúni dene qyzýy 37 gradýs bolǵan, barlyq sımptomdary vırýsqa keledi», - dedi ol.

Onyń atap ótýinshe, PTR-test oqýshynyń koronavırýs juqtyrǵandyǵyn kórsetken.

«Bala úıinde em alyp jatyr, jaǵdaıy jaqsy. Ol oqyǵan synypta barlyǵy 12 bala bolǵan. Olardyń barlyǵy jáne muǵalimderi men baılanysta bolǵan tulǵalar vırýstyń bar-joǵyna tekserilip jatyr», - dedi Baǵdat Qojahmetov.

Aıta keteıik, qyrkúıek aıynyń basynda elimizdiń Bas memlekettik sanıtar dárigeri bolǵan Aıjan Esmaǵambetova eger synypta bir oqýshydan koronavırýs ınfektsııasy anyqtalatyn bolsa, mamandar epıdemıologııalyq tekseris júrgizetindigin aıtqan bolatyn.

«Eger aýrý birneshe synypta nemese ártúrli synypqa sabaq bergen muǵalimderden anyqtalsa, onda aýrýdyń odan ary taralýyna jol bermeý maqsatynda mektep tolyq jabylýy múmkin», - degen edi Aıjan Esmaǵambetova.


Joǵary qaraı