Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO qutqarýshylary muz ústinde qalǵan 15 jylqyny alyp shyqty

2022 jyldyń 26 qańtar 2022 19:10

ÓSKEMEN. QazAqparat – Shyǵys Qazaqstan oblysynyń qutqarýshylary muz ústinde qalǵan 15 jylqyny alyp shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 26 qańtar kúni qutqarýshylarǵa Ulan aýdanyndaǵy sharýa qojalyǵynyń ıesi habarlasyp, kómek surady. Óz sózinde ol Ertis ózenindegi aralda jaıylyp júrgen jylqylarynyń muz ústinde qalyp, jaǵaǵa jete almaı jatqanyn jetkizdi.

«Belgili bolǵandaı, jylqylar ylǵı da osy aral mańyndaǵy muzdyń ústine kelip júrgen. Alaıda sońǵy kúnderi aýa raıynyń ózgerýine baılanysty muz juqaryp, olar jaǵaǵa shyǵa almaı qalǵan», - dedi oblystyq TJD jedel qutqarý jasaǵynyń bastyǵy Igor Lapenlavskıı.









Jylqylar shuǵyl túrde kómekke kelip jetken qutqarýshylardan úrkidi. Departament qyzmetkerleri arqan men jem-shóp arqyly janýarlardy bir-birlep qaýipsiz jerge shyǵardy. Bul birneshe saǵatty qajet etti. Mal ıesi óz kezeginde kómek kórsetken qutqarýshylarǵa rızashylyǵyn bildirdi.











Joǵary qaraı