Aýa raıy
Astana -19 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

ShQO koronavırýspen kúresip jatyr: Tósek-oryn sany 12 ese ulǵaıtyldy

2020 jyldyń 30 qazan 2020 17:28

NUR-SULTAN. QazAqparat - Shyǵys Qazaqstan oblysynda koronavırýstyń jańa tolqyny kezinde halyqqa ýaqtyly ári sapaly medıtsınalyq kómek kórsetý úshin 40 ınfektsııalyq statsıonar daıyndaldy. Bul týraly óńirdiń densaýlyq saqtaý basqarmasy basshysynyń mindetin atqarýshy Raıfa Safıollınova aıtty, dep habarlaıdy QazAqparat tilshisi.

«Jańa tolqyn jaǵdaıynda halyqqa ýaqtyly ári sapaly medıtsınalyq kómek kórsetý úshin 40 ınfektsııalyq statsıonar daıyndalyp, medıtsınalyq jabdyqtarmen tolyq qamtylǵan 6,1 myń tósek-oryn ázirlendi. Infektsııalyq statsıonarlar 3 deńgeıde óńirlik arada bólingen. Birinshi deńgeı ınfektsııalyq statsonarlardyń 70 paıyzyn, 4 215 tósek-oryndy quraıdy. Koronavırýs ınfetsııasy tirkelgen alǵashqy jaǵdaıdan bastap tósek-oryn sany 12 ese ulǵaıtyldy. Burynyraq 100 ınfektsııalyq jáne 411 provızorlyq tósek-oryn boldy. Reanımatsııalyq tósek-oryn 11 ese ulǵaıtylyp, 34-ten 399 tósek-orynǵa jetkizildi», - dedi ol Ortalyq kommýnıkatsııalar qyzmetindegi brıfıngte.

Onyń atap ótýinshe, Óskemen qalasynda jedel medıtsınalyq kómek aýrýhanasynyń ǵımaraty kúrdeli jóndeýden ótkizilip, onda jańa ınfektsııalyq gospıtal ashylady. Gospıtal PTR zerthanamen jáne ózge de zamanaýı qural-jabdyqpen jabdyqtalǵan.

«Búginde oblysta 2 078 ınfektsııalyq jáne 220 karantındik tósek-oryn ázirlengen. Infektsııalyq statsıonarlarda 566 patsıent, al karantınde 43 patsıent jatyr. Munan bólek 124 reanımatsııalyq tósek-oryn ázirlendi. Olardyń 36,2 paıyzynda patsıentter bar», - dedi ol.

Sonymen qatar Raıfa Safıollınova oblysta koronavırýspen aýyrǵan patsıentterdiń 97,6 paıyzy emdelip shyqqanyn aıtty.


Joǵary qaraı